سعودی کابینہ نے بدھ کو شاہ سلمان بن عبدالعزیز کی زیرِ صدارت منعقدہ اجلاس میں اقامے کے سہ ماہی اجرا اور تجدید کی منظوری دی ہے۔
یہ منظوری ورک پرمٹ اقامہ ہولڈرز کے لیے ہے۔ گھریلو ملازمین اور وہ تمام ملازمین جو اس کے دائرے میں آتے ہیں ان پر یہ فیصلہ لاگو نہیں ہوگا۔
سعودی خبررساں ادارے ایس پی اے کے مطابق سعودی کابینہ نے ورک پرمٹ فیس، اقامہ فیس اور مقابل مالی کی قسطوں میں وصولی کی منظوری دی ہے۔ یہ فیس اقامے کی مدت کے حساب سے وصول کی جائے گی۔
یاد رہے کہ اب تک اقامے کی فیس ایک سال کی یکمشت وصول کی جا رہی تھی۔ اب کم از کم تین ماہ کے لیے اقامے کا اجرا اور تجدید ہو سکے گی۔
0 تبصرے