سفری پابندی کا سامنا کرنے والے ممالک میں غیر ملکیوں کے اقاموں اور ویزوں کی نومبر تک بلا معاوضہ توسیع
سعودی پریس ایجنسی نے جمعہ کو ایک شاہی حکم کا حوالہ دیتے ہوئے رپورٹ کیا ہے کہ اقامہ (ریذیڈنسی پرمٹ) ، ایگزٹ اور ری انٹری ویزوں کے ساتھ ساتھ بیرون ملک جانے والوں کے وزٹ ویزے جو کہ اس وقت سفری پابندی کا شکار ممالک میں پھنسے ہوئے ہیں ، کو 30 نومبر 2021 تک بلا معاوضہ بڑھا دیا گیا ہے
اقامہ اور ویزوں کی میعاد کی مدت میں مفت توسیع وزیر خزانہ کی طرف سے شاہ سلمان کی ہدایت پر حکومت کی جانب سے شہریوں اور رہائشیوں کی حفاظت کو یقینی بنانے اور ان پر معاشی اور مالی اثرات کم کرنے کی مسلسل کوششوں کا حصہ ہے۔
ایس پی اے کے مطابق پاسپورٹ کے جنرل ڈائریکٹوریٹ (جوازات) نے تصدیق کی ہے کہ توسیع قومی معلومات مرکز کے تعاون سے خود بخود ہو جائے گی۔
فی الحال سفری پابندی کا سامنا کرنے والے ممالک میں پاکستان ، بھارت ، انڈونیشیا ، مصر ، ترکی ، برازیل ، ایتھوپیا ، ویت نام ، افغانستان اور لبنان شامل ہیں۔
⚠️ اس خبر کو شیئر کریں، شکریہ
0 تبصرے